ස්වාභාවික ආපදා තත්ත්වය හේතුවෙන් තාවකාලිකව වසා දැමූ පාසල් යළි විවෘත කිරීම සම්බන්ධයෙන් අධ්යාපන අමාත්යාංශය වැදගත් නිවේදනයක් නිකුත් කර තිබෙනවා.
අධ්යාපන අමාත්යාංශයේ ලේකම් නාලක කළුවැව මහතාට අනුව, බස්නාහිර, දකුණ, උතුර, නැගෙනහිර, උතුරු මැද සහ සබරගමුව යන පළාත්වල සියලුම පාසල් දෙසැම්බර් 16 වනදා තුන්වන පාසල් වාරයේ දෙවන කොටස සඳහා යළි ආරම්භ කිරීමට නියමිතයි.
කෙසේ වෙතත්, ආපදා තත්ත්වය තවමත් පහව ගොස් නොමැති ප්රදේශවල පිහිටි පාසල් කිහිපයක් දෙසැම්බර් 16 වනදා විවෘත නොකරන බවද අමාත්යාංශය දැනුම් දෙනවා.
ඉදිරි විභාග පිළිබඳ වැදගත් දැනුම්දීම්
ආපදා තත්ත්වය නිසා අතරමඟ නවතා දැමීමට සිදු වූ උසස් පෙළ විභාගය යළි ජනවාරි 12 සිට 20 දක්වා පැවැත්වීමට නියමිත බව ලේකම්වරයා වැඩිදුරටත් ප්රකාශ කර තිබෙනවා.
මේ අතර, 2025 වසරට අදාළ අ.පො.ස. සාමාන්ය පෙළ විභාගය 2026 වසරේ පෙබරවාරි 14 වනදා සිට මාර්තු 02 වනදා දක්වා පැවැත්වීමට සැලසුම් කර ඇති බවයි අධ්යාපන අමාත්යාංශය නිවේදනය කරන්නේ.
අධ්යාපන අමාත්යාංශය තවත් වැදගත් තීරණයක් ගෙන ඇත්තේ තුන්වන වාර විභාගය සම්බන්ධයෙනි. ඒ අනුව, තෙවන වාර විභාගය නොපැවැත්වෙන අතර, 11 වන ශ්රේණියේ සිසුන් සඳහා පමණක් විභාග පෙරහුරුවක් පැවැත්වෙන බව ලේකම්වරයා සඳහන් කළා.
⚠️ දෙසැම්බර් 16 වනදා විවෘත නොකරන පාසල් මොනවාද?
ඔබගේ පාසල මෙම ලැයිස්තුවට අයත් දැයි දැන ගැනීමට, අධ්යාපන අමාත්යාංශය විසින් නිල වශයෙන් ප්රකාශයට පත් කරන එම පාසල් ලැයිස්තුව පිළිබඳව විමසිල්ලෙන් සිටින්න.
.png)
0 Comments