පවතින ඉන්ධන මිල ඉහළ යාමත් සමඟ මෙරට බස් ප්රවාහන සේවාව දැඩි අර්බුදයකට ලක්ව ඇති අතර, ඒ හේතුවෙන් බස් ගාස්තු ඉහළ නැංවීමට අදාළ විශේෂ කැබිනට් පත්රිකාවක් අද (23) දින අනුමැතිය සඳහා ඉදිරිපත් කිරීමට නියමිතව තිබේ. ජාතික ගමනාගමන කොමිෂන් සභාව සඳහන් කරන්නේ සුදු ඩීසල් මිල ඉහළ යාම මත පදනම්ව බස් ගාස්තු සංශෝධන සූත්රය ගණනය කිරීමේදී, දැනට පවතින ගාස්තුවට සාපේක්ෂව අවම වශයෙන් 10%කට වඩා වැඩි වැඩිවීමක් සිදු කිරීමට අවශ්ය පසුබිම නිර්මාණය වී ඇති බවයි.
නව ගාස්තු සංශෝධනය ක්රියාත්මක කිරීම සඳහා අවශ්ය අමාත්ය මණ්ඩල අනුමැතිය ලබා ගැනීමට කටයුතු කරන බව ජාතික ගමනාගමන කොමිෂන් සභාවේ අධ්යක්ෂ ජනරාල් ආචාර්ය නිලාන් මිරැන්ඩා මහතා තහවුරු කර ඇත. කෙසේ වෙතත්, මෙම ක්රියාවලිය ප්රමාද වීම පිළිබඳව පෞද්ගලික බස් සංගම් සිය දැඩි විරෝධය පළ කර සිටී. ඔවුන් පවසන්නේ මෙම ගාස්තු සංශෝධනය ඊයේ (22) දිනයේ සිටම ක්රියාත්මක විය යුතුව තිබූ බවත්, බලධාරීන් සමඟ සාකච්ඡා කිරීමට දැරූ උත්සාහයන් අසාර්ථක වූ බවත්ය.
ගාස්තු වැඩි කිරීම ප්රමාද වීමට එරෙහිව අද දිනයේ සිට බස් ධාවනයෙන් ඉවත් වීමට තීරණය කර ඇති බව බස් සංගම් අනතුරු අඟවා ඇත. ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා අවධාරණය කළේ, පවතින වියදම් හමුවේ නව ගාස්තු සංශෝධනයක් ලැබෙන තෙක් තවදුරටත් බස් රථ ධාවනය කිරීම ප්රායෝගික නොවන බවයි. මේ අනුව අද දිනයේ කැබිනට් මණ්ඩලය ලබා දෙන තීරණය මත බස් ප්රවාහන සේවාවේ ඉදිරි ගමන්මඟ තීරණය වනු ඇත.
.png)
.jpg)
0 Comments