ලෝක ඉතිහාසයේ ප්රථම වතාවට, වයස අවුරුදු 16ට අඩු දරුවන් සඳහා සමාජ මාධ්ය භාවිතය මුළුමනින්ම තහනම් කළ රට ලෙස ඔස්ට්රේලියාව ඊයේ (09) සිට ඉතිහාසයට එක් වුණා. මධ්යම රාත්රියේ සිට මෙම දැඩි නීතිය ඔස්ට්රේලියාව තුළ ක්රියාත්මක වන අතර, එය දරුවන්ගේ ආරක්ෂාව සම්බන්ධයෙන් ලෝකයටම ලබා දෙන වැදගත් පණිවිඩයක් ලෙස සැලකෙනවා.
TikTok, YouTube (ඇල්ෆබෙට් සමාගම සතු), සහ Instagram හා Facebook (Meta සමාගම සතු) වැනි ප්රධාන සමාජ මාධ්ය වේදිකා ඇතුළු තවත් බොහෝ සේවාවන් වෙත මෙලෙස අවුරුදු 16ට අඩු දරුවන්ට ප්රවේශ වීම සම්පූර්ණයෙන්ම අවහිර වනු ඇත. ඔස්ට්රේලියානු රජය මෙලෙස සමාජ මාධ්ය සමාගම් මත දැඩි වගකීමක් පවරා තිබෙනවා.
නව නීතියට අනුව, සමාජ මාධ්ය සමාගම් 'සාධාරණ පියවර' ගත යුත්තේ, වයස අවුරුදු 16 ට අඩු දරුවන්ගේ දැනට පවතින ගිණුම් ඉවත් කිරීමටත්, ඔවුන්ට නව ගිණුම් විවෘත කිරීම වැළැක්වීමටත් අවශ්ය පියවර ගැනීමයි. විදෙස් මාධ්ය වාර්තා කරන ආකාරයට, මෙම නීතිය කඩ කරන සමාගම්වලට එරෙහිව ඕස්ට්රේලියානු ඩොලර් මිලියන 50ක් (A$ 50M) දක්වා වූ දැවැන්ත දඩ මුදලක් නියම කිරීමේ හැකියාව පවතිනවා. දරුවන්ගේ අන්තර්ජාල ආරක්ෂාව තහවුරු කිරීමේ ගෝලීය ප්රයත්නයක වැදගත් සන්ධිස්ථානයක් ලෙස මෙම තීරණය සටහන් වේ.
.png)
0 Comments