අද දින ග්රහ පිහිටීම් අනුව ඔබේ ලග්නයට හිමිවන සුබ පල සහ අභියෝග මොනවාදැයි දැන ගැනීම වැදගත්. චන්ද්රයාගේ ගෝචරය ඔබේ දෛනික කටයුතු, සබඳතා සහ මූල්ය තත්ත්වය කෙරෙහි බලපාන ආකාරය මෙසේ සටහන් කරමු.
♈ මේෂ ලග්නය: යහපත් ඇසුර සහ ශක්තිමත් ආර්ථිකයක්
අද දින චන්ද්රයා ඔබේ ලග්නයෙන් දෙවැන්නේ ගමන් කරන අතර එය ඉතා සුබදායකය. ඔබේ මුහුණ ප්රිය උපදවන සිනහවකින් පිරී ඇති අතර කතාව ආකර්ශනීය වේ. හවුල්කරුවන්, මිතුරන් සහ ආදර සබඳතා අතර හොඳ හිත වර්ධනය කර ගැනීමට ඔබට හැකි වනු ඇත. මූල්යමය වශයෙන් කිසිදු අඩුපාඩුවක් ඇති නොවන අතර ආර්ථික තත්ත්වය යහපත් වේ. පවුලේ අය, විවාහ සහකරු හෝ සහකාරිය සහ දරුවන් සමඟ අද දින ඉතා සතුටින් කාලය ගත කිරීමට අවස්ථාව ලැබෙනු ඇත.
♉ වෘෂභ ලග්නය: අන් අයගේ සිත් දිනා ගනී
චන්ද්රයා ඔබේ ලග්න භාවයේම සැරිසරන අද දින ඔබට පහසුවෙන් අන් අයගේ සිත් දිනා ගැනීමට හැකියාව ලැබෙනු ඇත. ඇසුරට උසස් මිතුරන් ලැබෙන අතර, ඔවුන්ගේ සහයෝගයද ඔබට හිමියි. ඔබේ සිතුවිලි ද උසස් අයුරින් ක්රියාත්මක වන අතර ලෞකික සැප සම්පත් ලැබීමට වාසනාව තිබේ. ඔබ අද දින ප්රවේශම් සහගතව සහ ඉවසිලිවන්තව කටයුතු කරනු ඇත. යමක් සිදුවීමට පෙර දුර සිතා බලා කටයුතු කිරීමට ඇති ගතියක් ඇති වේ.
♊ මිථුන ලග්නය: සිතේ චංචල බව සහ දුක් සහිත අත්දැකීම්
අද දින චන්ද්රයා ලග්නයෙන් දොළොස් වැන්නේ ගමන් කිරීම ඔබට එතරම් සුබදායක නොවනු ඇත. සිත නිතර චංචල වන අතර සමහර විට දුක් සහිත අත්දැකීම්වලට මුහුණපාන්නට සිදු විය හැකිය. වාද විවාද ඇතිවීම උත්සන්න විය හැකිය. අද දින නඩුහබවලට පැටලුනහොත්, ඒවායින් ජය ගැනීම අපහසු වීමට ඉඩ ඇත. අනවශ්ය ගමන් බිමන් සහ අධික වියදම් යෙදිය හැකිය. කෙසේ වෙතත්, රෝහල්, අනාථ මඩම් හෝ නේවාසිකාගාර වැනි ස්ථානවල රැකියාවන්ට නියුතු අයට සිත සුවපත් වන අතරම, එදිනෙදා අවශ්යතා සඳහා මුදල් හිඟ නොවනු ඇත.
♋ කටක ලග්නය: අතමිට සරු වන, සමාජයේ සැලකිලි ලබන දිනයකි
අද දින ඔබේ අයස්ථානය වූ ලග්නයෙන් එකොළොස්වැන්නේ චන්ද්රයා ගෝචර වීම ඉතාමත් ශුභයි. ව්යාපාරවල නිරතවන්නන්ට අද දින අතමිට සරු වන දිනයක් වනු ඇත. සමාජයේ සැලකිලි සහ කීර්තිය ඉහළ යනු ඇත. සමාජශීලී අයට මිතුරන්ගෙන් අඩුවක් ඇති නොවනු ඇත. විශේෂයෙන්ම විරුද්ධ ලිංගිකයන්ගෙන් ආදරය, කරුණාව මෙන්ම ආරක්ෂාවද හිමි වේ. එහෙත් ඔබේ ගති පැවතුම් එකම ආකාරයකට නොතිබී නිතර වෙනස් වීමට ඉඩ ඇත.
♌ සිංහ ලග්නය: වස්තුව සහ සැප සම්පත් ළඟා වේ
ලග්නයෙන් දහ වැන්නේ ගෝචරය වන චන්ද්රයා අද ඔබට යහපත් ප්රතිඵල ලබා දෙයි. ඔබ සාමාන්යයෙන් හුරුපුරුදු ක්රියාවන්හි වෙනස්වීම්වලට භාජනය වුවත්, එය ඔබේ දියුණුව පිණිසම හේතු වනු ඇත. ඇවිදිමින් කරන රැකියාවන්වල නියුතු අයට බොහෝ ප්රතිඵල ලැබෙනු ඇත. දෙමාපියන්ගේ, විවාහ සහකරුගේ, දරුවන්ගේ මෙන්ම හිතමිතුරන්ගේ සහයෝගය ඔබට වස්තුව සහ සැප සම්පත් ලබා දේ. අද ඔබට හැම අතින්ම වාසනාවන්ත දිනයක් වනු ඇත.
♍ කන්යා ලග්නය: දක්ෂතා ඉස්මතු වේ, ඉගෙනීමෙන් ඉහළට
අද දින ඔබේ ලග්නයෙන් නව වැන්නේ සඳු ගෝචරය වීම ඔබේ දියුණුවේ දොරටු විවර කිරීමට සමත් වේ. උසස් අධ්යාපනය හෝ විදෙස් අධ්යාපනය ලබන අයගේ කටයුතු සාර්ථක වනු ඇත. ස්වයං රැකියා මෙන්ම තම දැනුමෙන් කරන රැකියාවන් දියුණු වනු ඇත. ඔබේ දක්ෂතා කෙරෙහි ආයතන ප්රධානීන්ගේ අවධානය යොමු වීමෙන් ඔබේ අනාගත දියුණුවට මඟ පෑදෙනු ඇත. ගුරු වෘත්තියේ හෝ උපදේශක තනතුරුවල නියැලෙන්නන් ගෞරවාදරයට පාත්ර වේ. නිරෝගීභාවය ඇති වේ. ලෞකික හා ආධ්යාත්මික වශයෙන් දියුණුවට මග සැලසෙනු ඇත.
♎ තුලා ලග්නය: හිතේ ධෛර්යය ශක්තිය අඩු විය හැකියි
සඳු ලග්නයෙන් අට වැන්නේ ගෝචරය එතරම් යහපත් නොවේ. එබැවින් අද දවසේ ඔබගේ හිතේ ධෛර්යය ශක්තිය අඩුවිය හැකිය. ජීවිතය සම්බන්ධ අයහපත් කාරණා යෙදිය හැකි බැවින් ඔබ බොහෝ කල්පනාකාරී විය යුතුය. අනතුරුදායක කටයුතුවලින් සම්පූර්ණයෙන්ම ඈත්වීම නුවණට හුරුය. ශරීර අභ්යන්තරය දුර්වල කරන රෝග ඇතිවීමට ද ඉඩ තිබේ. යහපත් ලෙස සිත දියුණු කර ගනිමින් සිටියහොත් ඉහත කී අශුභ ඵල ද අඩු කර ගත හැකිය.
♏ වෘශ්චික ලග්නය: විවාහ අපේක්ෂකයින්ට සුබයි
ලග්නයෙන් හත් වැන්නේ චන්ද්රයා ගෝචරය වන අද දින විවාහ අපේක්ෂකයන්ට සුබයි. එහෙත් විවාහ වූ අය තම ස්වාමියා හෝ භාර්යාව කෙරෙහි එක ස්ථාවරයක නොසිටිය හැකිය. ව්යාපාර කොටස්කරුවන් සමඟද මත ගැටුම් හෝ වැඩි සබඳතා ඇති කර ගනී. අද දිනයේ ඔබගේ සිතුවිලි චංචල වීම ඊට හේතුවයි. සඳු උච්ච, ස්වක්ෂේත්ර හෝ මිත්ර රාශියක තැන්පත් වීමෙන් හෝ ශුභ දෘෂ්ටි ලද හොත් සියලු ලෞකික සැප සම්පත් ලැබීමට වාසනාව හිමි වනු ඇත.
♐ ධනු ලග්නය: රහස් සතුරන් සහ සෞඛ්ය කෙරෙහි අවධානය
ලග්නයෙන් හය වැන්නේ සඳු ගෝචරය වන අද දින අන්යයන් ඇසුරු කිරීමේදී ඔබේ මතයට වඩා අන්යයන්ගේ මතය ඉස්මතු වීමට ඉඩ හරින්න. අනවශ්ය වාද භේද, මත ගැටුම් මගින් රහසේ සතුරු කරන්නන් ඇතිවීමට ඉඩකඩ ඇත. ඔබ දරුවන්ගේ අධ්යාපනික කටයුතු වෙනුවෙන් වෙහෙසෙනු ඇති අතර, ඔවුන් සමඟ ප්රීතියෙන් කල් ගෙවනු ඇත. උදරාබාධ සම්බන්ධයෙන් කල්පනාකාරී විය යුතුය.
♑ මකර ලග්නය: අධ්යාපන සහ දරුවන්ගේ කටයුතු සඵලත්වයට
ලග්නයෙන් පස්වැන්නේ චන්ද්රයා ගෝචරය වන අද දින ඉගෙන ගන්නා අයගේ උනන්දුව වැඩිවීමට හේතු වෙයි. තරඟ විභාග ආදියෙන් ජය ලැබිය හැකියි. ක්රීඩාවට ඇළුම් කරන අයට නිරෝගී සුවය හිමියි. දරුවන් සිටින අය ඔවුන්ගේ අධ්යාපනික කටයුතු වෙනුවෙන් වෙහෙසෙන අතර, ඔවුන් සමඟ ප්රීතියෙන් කල් ගෙවනු ඇත. උදරාබාධ සම්බන්ධයෙන් කල්පනිකාරී විය යුතුය.
♒ කුම්භ ලග්නය: පවුලේ සමගිය සහ සතුට
සඳු ලග්නයෙන් හතර වැන්නේ ගෝචරය වන අද දින ඔබට මවගේ සහ මවගේ පස නෑයින්ගේ සිත් දිනා ගනිමින් කටයුතු කිරීමට හැකියාව ලැබෙනු ඇත. ගේ දොර පරිසරය අලංකාරව සහ සුවදායී ලෙස තබා ගැනීමෙන් ඔබ සතුටට පත් වේ. ගමන් බිමන් යන්නේ නම් සුඛෝපභෝගී යාන වාහන සඳහා සිත යොමු වේ. දුබල සඳු විසින් සිතේ ඇති කරවන නොසන්සුන්කම පාලනය කර ගැනීමෙන් ගෙදර දොර පරිසරය සහ වටාපිටාව සුවදායී එකක් වනු ඇත.
♓ මීන ලග්නය: ඔබේ ක්රියාවෙන්ම ඔප්පු කර පෙන්වීමට
ලග්නයෙන් තුන් වැන්නේ ගෝචරය වන චන්ද්රයා ඔබේ දක්ෂතා ක්රියාවෙන්ම ඔප්පු කර පෙන්වීමට සමත් වේ. තම පරම්පරාව බැබළවමින් කරන සහෝදර සහෝදරියන් හා යහපත් ඇසුර කාගේත් සිත් දිනා ගනී. තම දැනුම සහ අදහස් මෙහෙයවා කරන රැකියා, ව්යාපාර හෝ වෙනත් කටයුතුවලින් සාර්ථක ප්රතිඵල ලැබීමට වාසනාව ඇත. බොහෝ ඇවිදිලි සහිත දිනයක් වීමට ඉඩ ඇත. පීනස, පපුවේ සෙම් බහුල ගතිය ඇති වීමට වැඩි ඉඩක් ඇත, එබැවින් සෞඛ්යය පිළිබඳ සැලකිලිමත් වන්න.
0 Comments