දිවයිනේ ඉදිරි පැය 24 ක කාලය සඳහා බලපැවැත්වෙන පරිදි කාලගුණ විද්යා දෙපාර්තමේන්තුව විසින් නවතම නිවේදනයක් නිකුත් කර තිබේ. මෙම වාර්තාවට අනුව දිවයිනේ ප්රදේශ කිහිපයකට වැසි සහිත කාලගුණයක් මෙන්ම තද සුළං තත්ත්වයක් ද බලාපොරොත්තු විය හැකිය. විශේෂයෙන්ම නැගෙනහිර, ඌව සහ මධ්යම පළාත්වලත්, පොළොන්නරුව සහ හම්බන්තොට දිස්ත්රික්කවලත් වැසි වාර කිහිපයක් ඇතිවීමේ හැකියාවක් පවතින බව එම දෙපාර්තමේන්තුව පෙන්වා දෙයි.
දිවයිනේ බස්නාහිර සහ සබරගමුව පළාත්වල මෙන්ම ගාල්ල සහ මාතර දිස්ත්රික්කවල ද පස්වරු 1.00න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බව වාර්තා වේ. මීට අමතරව, මධ්යම කඳුකරයේ නැගෙනහිර බෑවුම් ප්රදේශ, උතුරු, උතුරු-මැද සහ වයඹ පළාත්වලත්, ත්රිකුණාමලය, හම්බන්තොට සහ මොනරාගල යන දිස්ත්රික්කවලත් සුළගේ වේගය ඉහළ යා හැකිය. මෙම ප්රදේශවල විටින් විට පැයට කිලෝමීටර 40ක පමණ තද සුළං හැමීමේ ප්රවණතාවක් පවතින බව කාලගුණ නිවේදනයේ සඳහන් වේ.
ගිගුරුම් සහිත වැසි ඇති වන අවස්ථාවලදී එම ප්රදේශවල තාවකාලිකව තද සුළං ඇති විය හැකි අතර, අකුණු මඟින් සිදු වන අනතුරු අවම කර ගැනීමට ජනතාව වඩාත් සැලකිලිමත් විය යුතුය. මේ සම්බන්ධයෙන් අවශ්ය පූර්ව ආරක්ෂිත පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් වැඩිදුරටත් ඉල්ලා සිටියි.
.jpg)
.png)
0 Comments