රජයේ වෛද්ය නිලධාරීන්ගේ සංගමය විසින් හෙට, එනම් ජනවාරි 23 වනදා උදෑසන 8:00 සිට ක්රියාත්මක වන පරිදි දිවයින පුරා රෝහල්වල සංකේත වැඩවර්ජනයක නිරත වීමට තීරණය කර ඇත. මෙම වෘත්තීය සමිති ක්රියාමාර්ගය අඛණ්ඩව පැය 48ක කාලයක් පුරා ක්රියාත්මක වන බව එම සංගමය නිල වශයෙන් දැනුම් දී තිබේ. නිදහස් සෞඛ්ය සේවාවේ පවතින ගැටලු සහ වෛද්යවරුන් මුහුණ දෙන ගැටලු විසඳීම සඳහා සෞඛ්ය අමාත්යාංශය මීට පෙර එකඟතාව පළ කළත්, එම පොරොන්දු ඉටු කිරීමට බලධාරීන් අපොහොසත් වීම මෙම දැඩි තීරණයට හේතු වී ඇත.
මෙම වැඩවර්ජනය හේතුවෙන් සාමාන්ය රෝහල් කටයුතු සහ බාහිර රෝගී අංශයේ සේවාවන් අඩාල වීමේ අවදානමක් පැවතියද, රෝගී සත්කාරක සේවාවන් සම්පූර්ණයෙන්ම නතර නොවන බව සංගමය පවසයි. විශේෂයෙන්ම මානුෂීය පදනම මත මාතෘ රෝහල්, ළමා රෝහල්, වකුගඩු රෝහල් සහ පිළිකා රෝහල් ආශ්රිතව මෙම වැඩවර්ජනය ක්රියාත්මක නොවන බැවින් එම රෝහල්වල ප්රතිකාර කටයුතු සාමාන්ය පරිදි සිදුවනු ඇත. එසේම හදිසි අනතුරු සේවා සහ අත්යවශ්ය ප්රතිකාර සඳහා මෙම වර්ජනය බාධාවක් නොවන බවද වැඩිදුරටත් සඳහන් වේ.
.jpg)
.png)
0 Comments