ලොව සුප්රකට බිලියනපති ඉලොන් මස්ක්ගේ "ස්ටාර්ලින්ක්" (Starlink) චන්ද්රිකා අන්තර්ජාල සේවාව ලෝකය පුරා ජනප්රිය වෙමින් පැවතුණත්, චීනය තුළ එය භාවිත කිරීම දැඩි නීතිමය ගැටලුවක් බවට පත්ව තිබේ. මෑතකදී චීන මුහුදු සීමාව තුළ නීතිවිරෝධී ලෙස ස්ටාර්ලින්ක් සේවාව භාවිතා කළ විදේශීය නෞකාවකට එරෙහිව දඩ පැනවීමට චීන බලධාරීන් කටයුතු කර ඇත. මෙය චීනය විසින් මෙවැනි චන්ද්රිකා සන්නිවේදන උපකරණ භාවිතයකට එරෙහිව නීතිය ක්රියාත්මක කළ ප්රථම අවස්ථාව ලෙස වාර්තා වේ.
මෙම නීතිවිරෝධී ක්රියාව අනාවරණය කරගෙන ඇත්තේ චීනයේ ජෙජියැං පළාතේ නිංබෝ (Ningbo) වරායේදී සිදු කළ සාමාන්ය පරීක්ෂාවකදීය. එහිදී නෞකාවේ ඉහළ තට්ටුවේ සවිකර තිබූ කුඩා සෘජුකෝණාස්රාකාර ඇන්ටනාවක් සමුද්ර ආරක්ෂණ නිලධාරීන්ගේ විශේෂ අවධානයට ලක්ව තිබේ. සාමාන්යයෙන් නැව්වල භාවිතා කරන සම්ප්රදායික සන්නිවේදන මෙවලම්වලට වඩා මෙය බෙහෙවින් වෙනස් වීම නිලධාරීන්ගේ සැකයට හේතු වී ඇත.
පසුව සිදු කළ විධිමත් විමර්ශනයකදී තහවුරු වී ඇත්තේ මෙය පෘථිවියට පහළ කක්ෂගත චන්ද්රිකා (Low Earth Orbit - LEO) තාක්ෂණය ඔස්සේ ක්රියාත්මක වන ස්ටාර්ලින්ක් උපාංගයක් බවයි. අදාළ නෞකාව චීන මුහුදු සීමාවට ඇතුළු වූ පසුවත් දිගින් දිගටම මෙම උපකරණය හරහා දත්ත හුවමාරු කර ඇති බවත්, එය චීනයේ දේශීය නීති පද්ධතිය උල්ලංඝනය කිරීමක් බවත් බලධාරීන් පෙන්වා දී ඇත.
ස්ටාර්ලින්ක් වැනි විදේශීය චන්ද්රිකා ජාලයන් තම රටේ ජාතික ආරක්ෂාවට විශාල තර්ජනයක් විය හැකි බව චීන රජය කලක සිටම මත පළ කර තිබුණි. මෙම මෙහෙයුම චීන මුහුදු සීමාව තුළ සිදුවන නීතිවිරෝධී චන්ද්රිකා සන්නිවේදන කටයුතු මැඩපැවැත්වීම සඳහා ගත් සාර්ථක නියාමන පියවරක් ලෙස එරට මාධ්ය විසින් හඳුන්වා දී ඇත. තාක්ෂණික දියුණුව හමුවේ වුවද, රටක ආරක්ෂක සීමාවන් සහ නීති රීතිවලට ගරු කිරීමේ වැදගත්කම මෙම සිදුවීමෙන් නැවතත් තහවුරු වේ.
.jpg)
.png)
 භාවිතා කළ නැවකට වැඩ වරදී: චීනයෙන් දැඩි දඩයක්!){kind=link}
0 Comments