නුගේගොඩ මංසන්ධියේ සිට කොහුවල දෙසට දිවෙන මාර්ගයේදී අද දහවල් අතිශය භීතිකාජනක සිදුවීමක් වාර්තා විය. ත්රීරෝද රථයකින් ගමන් කරමින් සිටි පුද්ගලයෙකු ඉලක්ක කර ගනිමින් නාඳුනන තුවක්කුකරුවන් පිරිසක් විසින් මෙම වෙඩි තැබීම සිදු කර ඇති අතර, මෙහිදී ත්රීරෝද රථයේ සිටි පුද්ගලයෙකු බරපතල තුවාල ලබා ඇති බව පොලීසිය තහවුරු කරයි.
පොලීසිය විසින් සිදු කරන ලද මූලික පරීක්ෂණ වලට අනුව, යතුරුපැදියකින් පැමිණි පුද්ගලයින් දෙදෙනෙකු විසින් මෙම ප්රහාරය එල්ල කර පළා ගොස් තිබේ. දහවල් කාලයේ කාර්යබහුල මාර්ගයක් මැද සිදුවූ මෙම සිදුවීමත් සමඟ ප්රදේශවාසීන් සහ මගීන් දැඩි කැළඹීමකට පත්ව ඇති බව වාර්තා වේ.
වෙඩි ප්රහාරයෙන් තුවාල ලැබූ පුද්ගලයා වහාම කළුබෝවිල ශික්ෂණ රෝහල වෙත ඇතුළත් කර ඇති අතර, ඔහුගේ තත්ත්වය පිළිබඳව වැඩිදුර තොරතුරු මෙතෙක් අනාවරණය වී නොමැත. සිදුවීම සම්බන්ධයෙන් ගල්කිස්ස කොට්ඨාස විමර්ශන ඒකකයේ නිලධාරීන් විසින් විශේෂ පරීක්ෂණයක් ආරම්භ කර ඇති අතර, සැකකරුවන් හඳුනා ගැනීම සඳහා අසල ඇති CCTV දර්ශන පරීක්ෂා කිරීමට නියමිතය.
.jpg)
.png)
0 Comments